Categories
Мэдээ

ОУВС-ийн ажлын хэсэг Монгол Улсын эдийн засаг, төсөв санхүүгийн байдалд дүн шинжилгээ хийхээр иржээ

Олон Улсын Валютын Сангийн/ОУВС/ ажлын хэсэг Монгол Улсад ажиллахаар ирсэн байна. Ажлын хэсгийнхэн өнөөдрөөс эхлэн тавдугаар сарын 4-нийг дуустал хугацаанд ажиллана.

Тэд Монгол Улсын эдийн засаг, төсөв санхүүгийн байдалд дүн шинжилгээ хийж, цаашдын хандлагыг тодорхойлох чухал ач холбогдолтой уулзалтуудад оролцоно.

Тухайлбал, Сангийн яам, Монголбанк, УУХҮЯ, ХНХЯ, СЗХ, Хадгаламжийн Даатгалын Корпорац, Хөгжлийн банк, “Эрдэнэс Монгол” зэрэг төрийн болон төрийн өмчит байгууллагуудаас гадна “Рио Тинто”, “Хаан” банк зэрэг хувийн хэвшлийн төлөөллүүдтэй уулзах хөтөлбөртэй байна.
Эх сурвалж: Ikonmn
Categories
Мэдээ

“IPO Mongolia” форум амжилттай болж өндөрлөлөө

Хөрөнгийн зах зээлийг хөгжүүлэх “IPO Mongolia” олон улсын чуулга уулзалт “Шангри-Ла” зочид буудалд болов. Манай улсын хөрөнгийн зах зээлд бага хэмжээгээр хөрөнгө ордог, жижиг хувьцаа эзэмшигч хөрөнгө оруулагч ихтэй явж ирсэн бол өнөөдөр байдал өөрчлөгдөж мэргэжлийн, мөн стратегийн томоохон хөрөнгө оруулагч нар олон болж буйг СЗХ-ны газрын дарга Б.Дөлгөөн онцолж байв. Тиймээс ч өнөөдрийн чуулганыг “Хөрөнгийн зах зээлийг хүртээмжтэй болгох нь” гэсэн уриа, сэдвээр Монголын Үнэт цасны арилжаа эрхлэгчдийн холбоо болон Монголын Хөрөнгийн бирж зохион байгуулж, чуулга уулзалтын эхний хэлэлцүүлэг мэргэжлийн хөрөнгө оруулагчдын суурийг нэмэгдүүлж бэхжүүлэх нь сэдвээр болсон юм.

Чуулга уулзалтаар бас нэг хөндсөн сэдэв, хэлэлцэж буй асуудал нь төрийн өмчит компаниудын үйл ажиллагааг олон нийтэд нээлттэй, ил тод, хяналттай болгох тухай байлаа. Ингэснээр гадаадын хөрөнгө оруулалт нэмэгдэж, үүнийг дагаад төгрөгийн ханш чангарч, инфляцид эерэг нөлөөлнө гэж үзэж буйгаа олон хүн илэрхийлж байв. Төр асар их өмчтэй ч сайн менежер биш гэдгээ өнгөрсөн хугацаанд хангалттай харуулсан. Тиймээс энэ байдлыг өөрчлөх цаг хэдийнэ ирж, олон улсын жишиг стандартад нийцүүлэн, төр, олон нийтийн хосолмол өмчтэй байх үйл явцын эхлэл тавигдаж буйг хөрөнгийн зах зээлийн мэргэжилтнүүд онцолж байна.

Үүний зэрэгцээ манай улсад хамтын хөрөнгө оруулалтын сангууд бий болж, өөр өөрийн бодлого, хөрөнгө оруулалт, үйл ажиллагаагаар хөрөнгийн зах зээлд гарч бүтээгдэхүүн, үйлчилгээ үзүүлж байна. Жишээ нь, хаалттай болон нээлттэй бонд гаргах зэргээр шинэ зохицуулалт бүхий арилжаа, бүтээгдэхүүн, үйлчилгээ бий болж, зөвхөн хаалттай бондоос 200 тэрбум төгрөгийн хөрөнгө татан төвлөрүүлээд байгааг “Инвестмент коре” үнэт цаасны компанийн гүйцэтгэх захирал Г.Уянгахишиг тодотгож байв.

Ингэснээр манай улсын хөрөнгийн зах зээл улам өргөжиж буйг чуулга уулзалтад оролцогч нар тодотгож байлаа. Хөрөнгийн зах зээлд өнгөрсөн оны хаалтын байдлаар хувьцаат компаниудын ханш 60 хувиар өссөн үзүүлэлттэй байна. Үүнд “Мандал даатгал”, “Ард кредит” болон “Түмэн шувуут” компаниудын хувьцааны ханш гол жин даржээ. Өнгөрсөн жилтэй харьцуулахад хөрөнгийн биржид ТОП-20 индекс, зах зээлийн үнэлгээ тодорхой хэмжээгээр буурсан. Арилжааны идэвхийн хувьд түрүү жилийн мөн үетэй ойролцоо байгаа аж.

Улсын эдийн засаг амаргүй байгаа нь хөрөнгийн зах зээл дээр ч тодорхой хэмжээгээр нөлөөлж буй. Гэхдээ компани, ААН-үүд IPO гаргаж, банк, санхүүгийн зах зээлээс гадна хөрөнгө оруулалт татах нэг “суваг” болох хөрөнгийн зах зээлээ мөн хөгжүүлж байж гэмээн эдийн засгаа аврах гарц бүхий байдалтай нүүр тулж буйг мэргэжилтнүүд хэлж байна.

Арилжааны банкуудаас санхүүгийн зах зээлд хадгаламжийн хүүг нам түвшинд байлгаж, инфляциас доогуур хувь хэмжээтэй байгаа өнөөгийн нөхцөлд хөрөнгийн зах зээлийн өгөөж, хүртээмж ямар байгаа нь хөрөнгө оруулагчдаас аваад хувьцаат компаниуд, хөрөнгийн зах зээлд оролцогчдын анхаарлыг ихээр  татаж байгаа юм. Үүгээр авч үзвэл хөрөнгийн зах зээлд хамгийн сүүлд 11 компани IPO хийж, хувьцаагаа гаргажээ. Эдгээр компанийн хувьцааг тэнцүү дүнгээр авч үзэхэд 18.6 хувийн өсөлтийн өгөөжийг хүртээхээр тооцоотой байна.

“IPO Mongolia” чуулга уулзалтаар хөрөнгийн зах зээлийнхэн, хөрөнгө оруулагч нар, хувьцаат компаниудын төлөөлөл цаашдын төлөв байдал, хөгжил, зохицуулалтын талаар байр сууриа илэрхийлэн хэлэлцэж байна.

Монголын хөрөнгийн зах зээлд гадаад, дотоодын мэргэжлийн хөрөнгө оруулагч нараас гадна сүүлийн жилд дотоодын байгууллага, ААН-үүд хөрөнгийн зах зээлд их орж байна. Нийт арилжааны 74 орчим хувийг 16 мянга гаруй байгууллага, ААН-ийн оролцоо эзэлж байна.

Эх сурвалж: Монцамэ
Categories
Мэдээ

Монголбанк бодлогын хүүгээ 2.5 нэгжээр өсгөж 9 хувьд хүргэлээ

монголбанк

Монголбанкны Мөнгөний бодлогын хорооны 2022 оны 3 дугаар сарын 23, 24-ний өдрийн ээлжит хурлаар эдийн засаг, банк, санхүүгийн зах зээлийн өнөөгийн байдал гадаад, дотоод орчны төлөвийг хэлэлцэн бодлогын хүүг 2.5 нэгж хувиар нэмэгдүүлж, 9.0 хувьд хүргэх шийдвэр гаргалаа.

Олон улсын харилцаанд хурцадмал байдал шинээр үүсэж, гадаад, дотоод эдийн засгийн тодорхой бус байдлын нэмэлт эх сурвалж болж байна. Ийнхүү тодорхой бус байдал огцом нэмэгдэж,  дэлхийн зах зээл дээрх түүхий эдийн үнэ, тэр дундаа газрын тос, хүнсний үнэ огцом өсөж, нийлүүлэлтийн сүлжээний доголдол үргэлжлэхээр байгаагаас энэ онд инфляц өмнө нь төсөөлж байснаас нэмэгдэх, эдийн засгийн өсөлт саарах эрсдэл олон улс оронд бий болоод байна.

Жилийн инфляц 2022 оны 2 дугаар сард улсын хэмжээнд 14.2 хувь, Улаанбаатар хотын хэмжээнд 15.5 хувьтай гарав. Инфляцад олон улсын зах зээл дээрх хүнсний болон шатахууны үнэ өссөн, тээвэр логистикийн саатал, түүнээс улбаатай тээврийн нэмэлт зардал, нийлүүлэлтийн доголдол зэрэг хүчин зүйлс нь голлон нөлөөлж байна. Инфляц 2 дугаар сараас алгуур саарч эхэлсэн нь өмнөх төсөөлөлтэй нийцтэй байсан хэдий ч олон улсад шинээр үүсээд буй хурцадмал байдалтай холбоотойгоор инфляцын төсөөлөл нэмэгдэж байна.

Цар тахлаас үүдэлтэй хязгаарлалт суларч худалдаа, үйлчилгээний салбар эдийн засгийн идэвхжлийг дэмжсэн хэдий ч хилийн хязгаарлалттай холбоотойгоор уул уурхай, тээвэр, барилгын үйлдвэрлэл буурснаас эдийн засгийн өсөлт өнгөрсөн онд хүлээлтээс бага гарлаа. Олон улсын харилцааны нөхцөл байдалтай холбоотойгоор дэлхийн зах зээл дээрх газрын тосны үнэ огцом өсөж, үйлдвэрлэлийн зардлыг нэмэгдүүлэх, БНХАУ-ын ковидын эсрэг бодлоготой холбоотойгоор үйлдвэрлэлийн орцын нийлүүлэлт хязгаарлагдаж байгаа нь эдийн засгийн өсөлтийг сааруулах нөлөөг 2022 онд үзүүлэхээр байна.

Үйлдвэрлэлийн зардлын өсөлтөөр дамжин зардлын инфляц бий болох, инфляцын хүлээлт өсөх, төлбөрийн тэнцэлийн алдагдал нэмэгдэхийн зэрэгцээ гадаад суурь хүү илүү хурдтай өсөх нөхцөл үүсэж байгаа нь мөнгөний бодлогын төлөвийг илүү хурдтай чангаруулах, төгрөгийн харьцангуй өгөөжийг нэмэгдүүлэх шаардлагыг бий болгож байна. Цаашид гадаад, дотоод эдийн засгийн идэвхжил, инфляцын өрнөл, нийлүүлэлтийн хязгаарлалт, олон улсын харилцааны нөхцөл байдалтай уялдуулан мөнгөний бодлогын дараагийн алхмуудыг тухай бүр авч хэрэгжүүлэх болно.

Мөнгөний бодлогын хорооны хуралдааны хураангуй тэмдэглэлийг хоёр долоо хоногийн дараа Монголбанкны цахим хуудаст байршуулна.

Эх сурвалж: Монголбанк 

Categories
Мэдээ

“Инвескор Бонд” хөтөлбөрийн 3-р транчийн анхдагч зах зээлийн арилжаа эхэллээ

“Мөрөөдлөө санхүүжүүл” уриатай “Инвескор ББСБ” ХК нь 20 тэрбум төгрөгийн нээлттэй бондын хөтөлбөрөө энэ оны 6 сард эхлүүлсэн билээ. Хөтөлбөрийн хүрээнд өнгөрсөн 3 сарын хугацаанд олон нийтээс нийт 14 тэрбум төгрөгийг амжилттай татан төвлөрүүлж хөтөлбөрийн биелэлт 70 хувьд хүрээд байна.

Бондын хөтөлбөрийн сүүлчийн транч болох 6 тэрбум төгрөгийг олон нийтээс татан төвлөрүүлэх үйл явц өнөөдөр эхэлсэн бөгөөд бонд худалдаж авах захиалгын дүн 6 тэрбум төгрөгт хүрмэгц анхдагч зах зээлийн арилжаа хаагдах юм.

“Инвескор Бонд” нь жилийн 13%-ийн хүүтэй, 2 жилийн хугацаатай, хүүгийн төлбөр нь хагас жил тутам төлөгдөх нөхцөлтэй.

 

Бонд гаргагч “Инвескор ББСБ” ХК-ийн 5 жилийн ой нь энэ жил тохиож буй бөгөөд 2021 онд гаргасан амжилтуудаас дурдвал:

  • Монголын Хөрөнгийн Биржийн “I” ангилалд дэвшин бүртгэгдэж үйл ажиллагаа, ашиг орлого, арилжааны идэвх, компанийн засаглалаараа тэргүүлэгч компани гэдгээ дахин баталлаа.
  • Токио-2020 зуны наадмын олимпын шууд дамжуулалтын алтан ивээн тэтгэгчээр ажилласан.
  • Чанарын удирдлагын ISO9001 болон мэдээллийн аюулгүй байдлын ISO27001 стандартыг нэвтрүүлж эхэлсэн.
  • Шинээр 4 салбар байгуулж нийт 17 салбартай болсон. Үүний 15 нь Улаанбаатар хотод, 1 нь Эрдэнэт хотод, 1 нь дижитал хэлбэрээр үйл ажиллагаагаа явуулж байна.
  • Рио Тинто Монгол ХХК болон Нийслэлийн жижиг дунд үйлдвэр, үйлчилгээг дэмжих төвтэй хамтран цар тахлын нөлөөнд өртсөн жижиг дунд бизнес эрхлэгчдийг дэмжих хөтөлбөрийг эхлүүлэхэд бэлэн болоод байна.

Инвескор бондын давуу талууд:

Нээлттэй бонд: Уг бонд нь Монголын Хөрөнгийн Бирж дээр нээлттэй арилжаалагдах тул та эзэмшиж буй бондоо худалдан авах сонирхолтой этгээдэд зарах боломжтой. Энэ тохиолдолд та бондоо зарсан өдөр хүртэлх  хуримтлагдсан хүүг авна. Дээр нь нээлттэй бондын хүүгийн орлогын татвар 5% байгаа нь хадгаламжийн хүүгийн орлогын татвараас 2 дахин бага юм.

Хадгаламжийг орлох бүтээгдэхүүн: Арилжааны банкуудын 2 жилийн хугацаатай хадгаламжийн хүү дунджаар 8% байгаа бол “Инвескор Бонд” нь танд жилийн 13%-ийн хүү төлнө. Бонд нь хугацаатай хадгаламжийн шинж чанаруудыг агуулахаас гадна нэмэлт боломжуудыг санал болгоно.

Баталгаа:  Бондын эргэн төлөлтийн баталгаа нь компанийн зах зээлд эзлэх байр суурь, бизнесийн тогтвортой үйл ажиллагаа, сүүлийн 5 жилийн турш тасралтгүй өсч байгаа санхүүгийн үр дүнгүүд юм. Бонд гаргагч нь Монголын Хөрөнгийн Биржид бүртгэлтэй хувьцаат компани учраас үйл ажиллагаа болон санхүүгийн мэдээллүүд нь олон нийтэд нээлттэй, ил тод байдаг.

 

Мөн нийт 20 тэрбум төгрөгийн бондын эргэн төлөлтийн барьцаа болгож “Инвескор ББСБ” ХК нь өөрийн 12 сая ширхэг хувьцаагаа барьцаалсан бөгөөд 9 сарын 10-ны байдлаар барьцааны үнэлгээ нь 39.8 тэрбум төгрөг байна.

Categories
Мэдээ

“Эрдэнэ ресурс девелопмент корпорэйшн” ХК нэмэлт үнэт цаас гаргахаар боллоо.

Эрдэнэ Ресурс Девелопмент Корпорейшн нь Монгол улсад өндөр агуулга бүхий суурь болон үнэт металлын хайгуул, олборлолт, худалдан авалт болон төсөл хөгжүүлэлтийн үйл ажиллагаа эрхэлдэг Канад улсын бүртгэлтэй уул уурхайн компани юм.

2000 онд үүсгэн байгуулагдаж, 2005 онд TSX үндсэн самбарт хувьцаагаа нээлттэй арилжиж эхэлсэн. 2018 оны 6 сард Монголын хөрөнгийн биржид үнэт цаасыг давхар бүртгүүлж, Монгол Улсын давхар бүртгэлтэй анхны компани болсон.

Эрдэнэ Ресурс Девелопмент Корпорейшн нь Баянхонгор аймагт Шинэ жинст, Баян-Өндөр алт, алт-полиметалл болон молибдин-зэсийн төслүүдийг хөгжүүлж байгаа.

Энэхүү нэмж гаргаж буй үнэт цаасны танилцуулгыг хүргэж байна.

  • Үнэт цаасны төрөл: Энгийн хувьцаа

  • Зах зээлд арилжаалагдаж буй энгийн хувьцааны тоо ширхэг: 268,550,433 (2021.06.30-ны байдлаар)

  • Арилжаалагдаж буй бирж: Монголын Хөрөнгийн бирж MSE:ERDN

Торонтогийн хөрөнгийн бирж TSX:ERD

  • Монголын Хөрөнгийн биржийн ангилал: 2-р ангилал

  • Зарцуулалт: Баян Хөндий төслийн бүтээн байгуулалт, хайгуул, ерөнхий удирдлагын зардал

    Эхний хүдэр боловсруулалт 2023 оноос эхлэх бөгөөд анхны алт үйлдвэрлэл мөн 2023 онд эхлэх юм.

    Баян Хөндий төслийн үйлдвэрлэлийн 12.72 тонн.

    Уурхайн бүтээн байгуулалт 1.5 жил, олборлолт 6 жил хэмээн эхний байдлаар тооцоолсон.

    Усны 85%-ийг дахин ашиглаж байгаа бөгөөд Оюу толгойн төслийн ус дахин ашиглалт 89.1% юм. Мөн эрчим хүчтэй холбоотойгоор нарны эх үүсвэрийг эрчим хүчний шийдлийн нэг хэсэг болгон ашиглах Монголын анхны уул уурхайн компани болж байгаа

    Компанийн тооцооллоор одоогийн алтны үнээр тооцоолоход $40-50 саяын жилийн цэвэр мөнгөн гүйлгээтэй ажиллана.

     

Categories
Мэдээ

Өдрөөр өсөж буй “CU” бизнест тавтай морил

CU брэндийн франчайз эрхийг эзэмшигч Сэнтрал Экспресс Си Ви Эс ХХК 2021 оны хамгийн анхны төдийгүй Монгол Улсын бүх цаг үеийн хамгийн өндөр дүнтэй IPO -г олон нийтэд санал болгож байна. 

Монголчуудын амьдралын хэв маягт тохирсон хүссэн цагтаа хаанаас ч авч болох чанартай бүтээгдэхүүн, соёлтой үйлчилгээ бүхий олон улсын стандартын конвиниенс дэлгүүрийг эх орондоо нэвтрүүлэх зорилгоор Сентрал Экспресс Си Ви Эс ХХК-ийг 2017 онд Премиум групп үүсгэн байгуулсан.

Тус компани 2018 оноос CU брэндийг Монгол Улсад нутагшуулж, 3 жилийн хугацаанд амжилттай удирдан 127 салбар дэлгүүр бүхий Монголын хамгийн том дэлгүүрийн сүлжээ, Улаанбаатар хотын хамгийн том дэд бүтцийг бий болгосон зах зээлд тэргүүлэгч юм.

Сэнтрал Экспресс Си Ви Эс ХХК нь олон нийтээс 24.9 тэрбум төгрөгийг татан төвлөрүүлэхээр 119.9 сая ширхэг хувьцааг, нэгжийн үнийг нь 208 төгрөгөөр санал болгож байна.

 

 

Хамтран ажиллах